《东网巨星》全新娱乐节目《星魅博》播出后反应热烈，曾居最高浏览榜榜首。今集请来星级形象指导郭庆彬（Ricky），解构圈中名人穿衣配搭品味，并提供扮靓小贴士供女士们紧贴潮流资讯。Ricky畅谈近日大热的Art Print潮流，新进女星苏丽珊令人眼前一亮，不过仍不及现年48岁兼已退出幕前多年的郭蔼明，穿出减龄效果，重拾少女feel。

郭蔼明郭蔼明有型后生

「咁多女星中佢着得最靓，个print令人好舒服，感觉有型同后生，成个人青春咗，好有时代感。佢衬咗对斑马纹嘅鞋，配得一绝，而髮型同化妆亦都好舒服好自然。」

苏丽珊腰脚呼应

「第一眼望落去好舒服，图案特别，尤其係中间嘅腰belt同裙脚嘅黑色设计，做到呼应效果，佢配衬咗对露趾凉鞋，更加係恰到好处。」

李静仪@SuperGirls配饰累事

「件衫嘅print有别于一般嘅花花图案，但衬埋佢身上啲配件同髮型，效果麻麻，如果佢梳番个乾净啲嘅髮型，衬番啲型啲嘅银器或者大件饰物会更加靓。」

杨千嬅比例失衡

「条裙颜色好鲜艳、丰富，加埋雪纺质地感觉好夏天。不过，千嬅本身唔係太高，条裙令佢有啲腰长脚短，加埋夸张嘅耳环、化妆成个感觉更加over。」

苏丽珊李静仪＠SuperGirls杨千嬅

採：陈嘉敏

摄：黎誌辉、林蔚恩

此资讯来源于东方日报娱乐新闻。

上一篇：《星霸3》柴克瑞恩杜：「身为同性恋在这个产业是很可怕的」
下一篇：《星魅博》：点评星级衣着徐子珊肩classic香